Tang 10 kai kum 2010/2011

chorus class
 we're performing 

     Caan hna cu an hung liam i a rauh hlan te ah 2011 cu kan hung phan.   Sianginn kai caan hna zong cu a hung za than. kei ka sianginn kai nak kong hi van chimh ah cun.... Khua lei Lai tlang ThangZang ka um lio ah khan cun... kan sining le kan dirhmun ning khan cun hawi bantuk in duh in sianginn zong ka rak kai kho lo. Hawi sining phak khawh zong a rak fawi lo. San rak tleih lo hrat ah cun hawi bang in fim le thiamnak hna zong lung nih rak duh tuk kho zong ah rak cawn khoh lo arak si.  Thinlung zong afak tuk ko, ngeih zong a chia tuk.   Nu le pa retheih le  tuanhar bu te zong ah harsat cu mah duh bang a si lo ban tuk in sianginn zong duh in ka rak kai kho lo.   Asi na in pathian dawtnak thawng in ni hin ni ah hi bangtuk in mi Ramdang ah khua kan hungsak khohtik ah hin pathian sin ah ka lawm tuk hringhren. 
   Nan theih cio bantuk in hi mi Ramdang sin Sianginn kai le thutder ning cu a fawi hrim lo. Keimah long nih tawn mi le tuar mi asi lo, "zaapi nih kan tawncio mi asi ko tik ah" Ka chimduhnak zong hi fawite in nan i fiang kho ko la ti'h zumhnak ka ngei. 
   Tang-10 ka hung kai kum cu a hung fawi deuh cang, holh zong ka hun thiam deuh. Ka saya/mah te hna le, ka siahngak chia hawi le hna zong ka hung i theih deuh cang hna. Pathian dawtnak in  ka saya/mah te nih an ka dawt ning le kan ka zohkhenh ning zong hi hawi hlei in a tha khun rua ti tiang in ka hmuh, zei ca ti ah cun ka siahngakchia hawi le he kan tlawn lenning tiang zong in siseh an mah nih an ka dir kamh i ka van a tha tuk hring hren.   Kan sianginn hi minun kan dih lak (Total) ah 4000 leng kan si. Cu lak ah cun kei mah pakhat te long hi Laimi ka si. Cun Chines nu pahnih Hongkong nu pakhat aum ve. Adang pawl cu an mah mirang le Spanish, Black an si hna. ESOL class chung ah keimah long hi mirang holh in a holh i hawi a ngei lo mi ka si. Mrs. parson hi ESOL teachers  lak ah a lubik a si. Mrs. Parsons hi zei poh ka chim ka ruah mi ka bochan bik mi asi, cun a mah zong nih hin a ka dawt i ka zawn a ka ruah. Ka hrehnak kip ah a ka bawmtu asi. 
   Hi ka zawn ah ka chim duh mi cu mi Ramdang i Sianginn kai hi a fawi hrimhrim lo lung dongh zong afawi tuk kan mawhbak loh! Pakhat nak ah kan holh thiam lo, cun a hlei in kan  English skill level te hna zong hi an rak  niamtuk hna kan cawnmi le kan rak theihmi hi a rak tlawmtuk a rak bituk rua ti in ka hmuh. Cu a ruang cu kamkhat lei ah "  A mawh zawng kan mawnh thlu lo" Zei ca ti ah cun kan Ram Cozah dirhmun thatlo ruang ah hin asi deuh rua ti ah ka ruah.   Asi na in ni hin ni ah nang le keinih kan si khohtawk in, i zuamchin le thazaang tampi lak khoh tu hi kan rian a si. (we have to try our best) zuam nak fak pi kan ngeih ah cun kan i tinh mi hna zong awnnak kan hmuh ko lai.

     Sianginn kharchung (Summer)ah "FIU" ( Florida International University) ah (Summer program) an ti mi hna (engineering) lei deuh class an si hna. Cawn mi hna cu "Tahchunh nak ah"  Zei tin dah van long te hna anser ning cang. Cun Ti le Mei thazaang te hna an lak ning, class work (research, special project, Java Program running) ti in class kan ngei.   Hi bantuk experienced hna mifim cathiam sang hna nih an tuah ser mithil minung kan nunnak ah kan hman cuah mah mi hna le kan hreh peng mi thil atuah aser tu  hna he zong  hmuh tawn khohnak le cawn khohnak class hna ka ngeih khoh tik ah pathian hi ka cung ah atha hringhren ko. Kan nih Laimi mino mi hna zong nih hi bantuk in caantha kanngeih lio caan ah thazaang tampi chuah in teima chin u sih law hmai lei ah fimthiam nak lei ah kar fak pi in hlang chin hna u sih ti saduh thah nak zong ka ngei.
   Tang(10)  subject lak mi(Honors biology, Algebra 1,  Language Art, ESOL English 3, Chorus 4, Art, Geometry) chung ah 100% tling te in awn nak zong kahmuh khawh ca'h lung lawmhnak biachim cawk lo ka ngei. Harnak chung ah lung saunak bawipa nih a kapek mi cung ah a thei partha zong duh dimte in hmai lei ca'h nun nuam lam zong a ka hmuhsak i zuamnak thazang a ka pek lai ti ruah chan nak zong ka ngei.   Cu ca'h a hocio poh kan si ah harnak pin lei ah kan pathian nih teinak a kan chaihpiak ko ti hi hngal hna usih law teima te in zanghlei chuahchin ko hna usih.   Fimthimnak lei ah kar hlang tti hna usih. 
     Kan khua le kan Ram ca'h ti in nang le kei suttung bang in dirti hna usih!

Our Missions A luanciami Lai mi  khrih fa kan si nak zoh than hna usih  Missions a rak tuan tu hna an kut neh dawh sung hi fak pi in ruat than tuah hna usih! Hmual ngei mi annunnak tiang dih in a rak pe tu, Siangbawi nu le pa hna nun zia hi philh lo in kan Lai mi hna nih kan i ruah chih i zei tik hmanh ah  a thazang a der mi zong kan si lo nak hnga i Siangbawi nu le pa nunhar sung khan i cin ken in Laimi  kannun ah i thuam chih hna usih!  Siangbawi te Philhlonak (June 29, 2012)                     Chin Baptist Mission Lai mi kan sin ah a rak ra i an nun nak tiang a liam mi (American Baptist Siangbawi  te hmasabik)   Rev. Adoniram Judson & Ann Juson Rev. Judson thingkuang (American Baptist Historical Archives) Ann Judson nih nurse nu sin in a pasal sin biacah: “Ka saya cu a tlunnak ding can a sau tuk rih.  Keimah te lawng in maw ka thih ko ne lai.   Ka fanu te lawng in maw ka kaltaak ko ne lai.   Pathian duhnak a si bantuk in, a duhnak cu al lo in ka zulh ko lai.  Thih cu ka ttih lo.  Nain, hi tluk tuar har mi fahnak tuar khawh lo ding tu ka phang.  Ka saya cu ka zawtnak a fak tuk i ca ka ttial kho lo tiah rak ka chimh piak te ko kun law.” Dr. Judson cu a damlo ruangah USA lei tlun aa thawh.  Rili cung ah April 12, 1850 ni ah a nunnak cu a liam.  A ruak phum hmanh tawng lo in, rili pi chungah an paih.  Nga rawl ah aa cang. Lairam (Chin Hills) American Baptist Siangbawi hna hmanthlak   Rev. Arthur Carson & Laura Carson Lairam siangbawi hmasabik Rev. Arthur E. Carson & Mrs. Laura Carson cu March 15, 1899 ni ah Hakha khua an phan.  A hmasabik Chin Hills Baptist Association cu March 25, 1907 ah a thokpi hna. Arthur Carson cu April 1, 1908 ni ah a thi.  Laura Carson cu June 1920 tiang siangbawi rian a ttuan. Dr. Erik East & Emily East Dr. Erik East le Emily J. East cu March 21, 1902 ni ah Hakha khua an phan. Lairam ah sibawi rian a ttuan.  Khuate kip a tlawng.  Hakha khua ah siinn a ser. Mizaw thawng tampi a dam ter hna. Dr. East cu lungzawtnak (heart attack) a ngeih hnu ah October 1910 ah USA ah an kal tthan.   Dr. Joseph Cope & Elizabeth Cope  Dr. Joseph Herbert Cope & Elizabeth S. Cope cu December 21, 1908 ni ah Hakha an phan.  Tidim khua ah 1910 kum i an i tthial hlan ah Hakha holh kha a cawn i a thiam ngai.  Hakha,  Falam le Tidim holh kha a cawn i a thiam dih.  Sianginn cawn ding ca kha a ttial piak hna.  Dr. Cope cu Lakher Pioneer Mission of India ah a tlawn pah ah June 11, 1938 ni ah Hakha khua ah a thi. Dr. John G. Woodin & Bessie L. Woodin Dr. John G. Woodin & Bessie L. Woodin cu October 11, 1909 ni ah Hakha khua an phan.  Sibawi rian an ttuan.  An tuanbia hi a tlawm ngai.  February 22, 1915 ni ah USA ah an kal tthan. Rev. Chester U. Strait & Florence T. Strait Rev. Chester U. Strait & Florence T. Strait cu April 5, 1926 ni ah an fa le pahnih Betty le David he Hakha khua an phan.  Laimi nunning a niam tuk caah satil (tuu) zuatnak, chapiat siamnak le lakphak le kawfi kung cinnak kha an cawnpiak hna.  Rev. Strait nih Chin Hills Bible School cu Hakha khua ah May 1, 1928 ni ah a rak thok.  Bible le Hla kha an lehpi hna.  Hakha khua in December 1940 ah USA ah an kir tthan. Rev. Franklin O. Nelson & Phileda O. Nelson Rev. Franklin O. Nelson & Phileda O. Nelson cu December 2, 1939 ni ah Tidim khua an phan.  Bible Sianginn kha 1947 ah a tuahpi hna.  February 23, 1951 ni ah an ram ah an kir tthan. Rev. Dr. Robert G. Johnson & Elizabeth Johnson Rev. Robert G. Johnson & Elizabeth Johnson cu an fapa Richard Johnson (Deki) he May 30, 1946 ni ah Tidim khua an phan.  February 1947 ah Hakha khua ah an i tthial.  Hakha holh in Bible lehnak cu Rev. David Van Bik an ttuantti.  Siangbawinu zuamnak in Hakha hla cauk cu tonic solfa in an ttial.  Hakha ah Bible Sianginn kha an tuah i pastor ttuan ding in Lai pastor kha an cawnpiak hna.  Burmese Socialist Cozah nih ramdang siangbawi vialte kha 1966 kum ah an tthawl dih hna caah annih chungkhar zong USA ah an kir ve. Lairam ah Chin For Christ in One Century (CCOC) timi program cu 1983-1999 tiang Zomi Baptist Convention nih a rak tuah.  Lairam ah Baptist siangbawi te hmang in Thawngttha a phanhnak kum 100 a tlin kum 1999 ah Chinmi dihlak Khrih zumtu kan si dih lai tiin kum khat ah CCOC palai 100 lengmang an thlah.  Siangbawi te hna rianttuannak kha an peh.  Thlang Lairam ah Khrih Thawngttha cu an chim.  Chinmi thawng tampi cu khrihfa ah an cang. Hi Thawngttha chimnak ah nunnak a pe mi an um len.  Nungak Ngai Za Siam, 19 nih Phai khua thlang ah Khrih caah a nunnak a pek.  Ngaih a rak chia tuk.  Laimi nih tthawnnak ah kan hman.    CCOC Palai Saya Ni To, pastor of Thangzang nih hla a rak phuah: “Hawi dawt cheu khat hna cu Thawngttha chim manh lo, tlang khat lo tluang hra dan in mual a kan liam taak tawn. . . . Kan ngaihchiatnak te thisen luannak man cu kan co ttheu lai, Pathian remhmi inn kan tlun cun.”  “Khrih caah Lei khuaza Chin miphun” (Chins in the world for Christ) Hi catawi le tuan biatawi hi "online" ah ka rel i ka hmuh mi a si i a tha tuk! Kan Laimi mino hna nih kan theih awk hrim hrim a si ti ah ka ruah caah ka van share nak a si. Ka Lawm.